“გირჩი მეტი თავისუფლების” ლიდერის, ზურაბ გირჩი ჯაფარიძის ინფორმაციით, პოლიციამ სახლიდან გაიყვანა გირჩი ტვ-ს თანამშრომელი გიორგი მოსიაშვილი.
ჯაფარიძე ამბობს, რომ უცნობია მოსიაშვილის ადგილსამყოფელი, ან რას ედავებიან მას.
“პოლიციამ სახლიდან წაიყვანა გიორგი მოსიაშვილი, იგივე მოსე, გირჩი ტვ-ს თანამშრომელი
არ ვიცით სად ჰყავთ, არ ვიცით რას ედავებიან.
ერთადერთი რაც ვიცით ისაა რომ გუშინ იმედმა და პოს ტვ-მ გაუვრცელეს 2 თუ 3 წლის წინანდელი, შემოგზავნილი სუსელის მიერ ჩაწერილი საუბრის ფაბრიკაცია/კომპილაცია”- წერს ზურა ჯაფარიძე
პარტიის ინფორმაციით, მოსიაშვილი რუსთავიდან კრიმპოლმა თბილისში გადაიყვანა.
“გირჩი ტვ–ს თანამშრომელს გიორგი მოსიაშვილს საკუთარი სახლში მიაკითხა თბილისის კრიმინალურმა პოლიციამ და რუსთავიდან თბილისში გადაიყვანა. ზუსტი ადგილი, სად გადაიყვანეს , ჯერჯერობით უცნობია.
შეგახსენებთ, რომ დღეს “ოცნების” პროპაგანდისტულმა არხებმა გამოაქვეყნეს დამონტაჟებული ვიდეო მასალა, რომელშიც გიორგი მოსიაშვილის საუბარი არის ფალსიფიცირებული. ამ ვიდეოს ფაბრიკაცია დადასტურდა ფეისბუქის ადმინისტრაციის მიერ ყველა პროპაგანდისტულ არხზე შესაბამისი პოსტების ცრუ ინფორმაციად მონიშვნით.” ნათქვამია ინფორმაციაში