გუშინ, სოციალურ ქსელში გავრცელდა ინფორმაცია, რომ სამოქალაქო აქტივისტებს, ჟურნალისტებს და იმ ადამიანებს, ვინც “უცხოური გავლენის გამჭვირვალობის შესახებ” კანონპროექტის წინააღმდეგ გამოდიან, უცნობი ადამიანები ტელეფონზე ურეკავენ და შეურაცხყოფას აყენებენ.
ნომრები ძირითადად სხვა ქვეყნების არის, მათ შორის უკრაინის. შეგახსენებთ, რომ კანონპროექტის წინააღმდეგ გამართული საპროტესტო აქციები დედაქალაქში გრძელდება.
ადამიანები, ვისაც უკვე დაურეკეს, სოციალურ ქსელში წერენ, რომ მათ უცხო ნომრებიდან ურეკავენ, პირველ რიგში, ვინაობას აზუსტებენ, შემდეგ კანონზე ესაუბრებიან და საბოლოოდ, იგინებიან როგორც მათი, ასევე ადრესატის ოჯახის წევრების მისამართით.
“პირველი ვინც გაგაგებინა რეკავენო, აი, ეგ არის გველი… უბრალოდ შენზე გავოგნდი” – რას წერს ლაშა ბასლანძე რობერტო მავანზე, სოცქსელში გამოქვეყნებული ვიდეოს შემდეგ
გუშინ, სოციალურ ქსელში გავრცელდა ინფორმაცია, რომ სამოქალაქო აქტივისტებს, ჟურნალისტებს და იმ ადამიანებს, ვინც “უცხოური გავლენის გამჭვირვალობის შესახებ” კანონპროექტის წინააღმდეგ გამოდიან, უცნობი ადამიანები ტელეფონზე ურეკავენ და შეურაცხყოფას აყენებენ.
ნომრები ძირითადად სხვა ქვეყნების არის, მათ შორის უკრაინის. შეგახსენებთ, რომ კანონპროექტის წინააღმდეგ გამართული საპროტესტო აქციები დედაქალაქში გრძელდება.
ადამიანები, ვისაც უკვე დაურეკეს, სოციალურ ქსელში წერენ, რომ მათ უცხო ნომრებიდან ურეკავენ, პირველ რიგში, ვინაობას აზუსტებენ, შემდეგ კანონზე ესაუბრებიან და საბოლოოდ, იგინებიან როგორც მათი, ასევე ადრესატის ოჯახის წევრების მისამართით.
იმ ადამიანებს შორის ვისაც დაურეკეს, არიან პოლიტიკოსები ლევან ბერძენიშვილი, ნიკა გვარამია, ჟურნალისტი ნინო ზურიაშვილი. ცნობილი სახეებიდან კი ბლოგერებმა და “იუთუბერებმა” რობერტო მავანმა (ლევან კვარაცხელია) და საეჭვო კაცმა (გიორგი მახარაშვილი) საუბრის ამსახველი ვიდეო მასალაც გამოაქვეყნეს.
ლევან კვარაცხელია (რობერტო მავანი) წლების მანძილზე “ქართული ოცნების” მხარდამჭერად მოიაზრებოდა. მუშაობდა “ჯიდიესში” და პროექტებში, რომელსაც ბერა ივანიშვილთან დაახლოებული იუმორისტების გუნდი აკეთებდა. ლევან კვარაცხელიას მიერ გამოქვეყნებულ ვიდეოს, სადაც მას უცნობი პიროვნება შეურაცხყოფას აყენებს და ეკითხება, რატომ არის კანონი რუსული, პროდიუსერი ლაშა ბასლანძე გამოეხმაურა. ლაშა ცნობილია, როგორც მმართველი პარტიის მხარდამჭერი.
ლაშა ბასლანძე:
– ლევან, ამ სიბერეში გულუბრყვილობა შემოგპარვია, ძმაო. პირველი, ვინც გაგაგებინა რეკავენო, აი, ეგ არის გველი. გაჰყევი და ალბათ, იპოვი რაღაცებს. “ნათლია” თავიდან გადაიკითხე ან უყურე… იტალიელ მეგრელებზეა ეგეც. არავისზე არ დავწერდი… უბრალოდ შენზე გავოგნდი და პასუხისმგებლობას ვგრძნობ ჩვენი ურთიერთობის გამო და თუნდაც “მავანის” შექმნაში მონაწილეობის გამო. წარმატებები და ვიღაცას იუტუბერებში განხეთქილება არ მოეწონა, ზოგმა რომ არ თქვა “არა რუსულ კანონს” და ბოლომდე გაჭერენ და გადაჰყავხართ მხარედ… ნუ გამოაყენებინებთ თავს, ისედაც გულის ამრევია, რომ 7-14 წლამდე აუდიტორია ჰყავს მანდ ბევრს და ქუჩაში გამოსვლისკენ მოუწოდეს, როცა მანიაკები დარბიან, რომლებიც სისხლზე და აგერ თვალების ამოთხრებზე ოცნებობენ. იფიქრეთ ამაზე, თუ ბოლომდე არ გადაბინდეს ყველაფერი.
წყარო: ambebi.ge