“ამ არაჩვეულებრივი რეცეპტით ვაკეთებ პასკებს და ძალიან გემრიელი გამოდის” “ეს არის ჩემი მეგობრის, თამრიკო კიკაბიძის ცნობილი რეცეპტი” – წერს ცნობილი კულინარი ანა კოსტავა და რეცეპტს გვიზიარებს.
მეგობრებო, ბევრმა მთხოვეთ პასკის რეცეპტი და ვდებ ხელახლა ❤
ეს არის ჩემი მეგობრის, თამრიკო კიკაბიძის ცნობილი რეცეპტი ❤ ყოველ წელს, ამ არაჩვეულებრივი რეცეპტით ვაკეთებ პასკებს და ძალიან გემრიელი გამოდის.
პასკა
10 კვერცხი
1.200 შაქარი
3 კგ.ფქვილი
მშრალი საფუარი დიდი შეკვრის ნახევარზე ცოტა მეტი
1 ლიტრა რძე
250 გრამი მარგარინი
250 გრამი კარაქი
1 ჭიქა ზეთი
300 გრამი შავი ქიშმიში,ცუკატები სურვილის მიხედვით
ნახევარ ლიტრა თბილ რძეში გახსენით საფუარი 6 სუფრის კოვზი,1 ჩაის კოვზი შაქარი დაუმატეთ რომ კარგად აფუვდეს
მეორე ნახევარ ლიტრა თბილ რძეში გახსენით ცხიმი,მარგარინი,კარაქი, ნახევარი ჭიქა ზეთი.
ცალკე 10 კვერცხის ცილა კარგად ამოიყვანეთ(ოთახის ტემპერატურის კვერცხის ცილა უფრო კარგად ამოდის),დაუმატეთ 10 სუფრის კოვზი შაქარი,მწიკვი მარილი და კარგად აურიეთ.
ცალკე 10 კვერცხის გულისგან და დარჩენილი შაქრისგან ვაკეთებთ გოგლიმოგლს,კარგად ათქვიფეთ გათეთრებამდე.
გოგლიმოგლს დაუმატეთ გამზადებული ბეზე და კარგად აურიეთ.
ცალკე დიდ თასზე დავყრით 3 კგ ფქვილს დავასხამთ საფუარიან და ცხიმიან ზეთს,კარგად აურიეთ და შეაზილეთ კვერციანი მასა,კარგად აურიეთ,დაუმატეთ დარჩენილი ნახევარი ჭიქა ზეთი და კარგად მოზილეთ ცომი.
ცომს ამოსასვლელად ჭირდება 6 საათი.
ღამით მოზილეთ შეფუთეთ თბილად და დილით უკვე მზად არის,ღამე ჩაზილვა არ ჭირდება.
დილით ამოსული ცომი ჩაზილეთ კარგად,დაუმატეთ ქიშმიში,თქვენი სურვილის მიხედვით თუ გნებავთ ცუკატები,1 ცალი ლიმონის ცედრა,ვანილი,ნახევარ-ნახევარი ჩაის კოვზი მუსკატის კაკალი,ილი,მწიკვი დარიჩინი და მიხაკი,ვისაც არ გიყვართ დარიჩინის გემო არ დაუმატოთ.
აიღებთ ფორმებს,ჩაუფინეთ ქაღალდი,წაუსვით ცხიმი.
ცომს ფორმაში ვდებთ ნახევრამდე.ცხობისას 2-ჯერ იზრდება.
ფორმაში ცომს ვაჩერებთ 6 საათი.შემდეგ შედგით გახურებულ ღუმელში 150 გრადუსზე.
1 საათის შემდეგ გამოაღეთ ღუმელი და ხის ჩხირით გასინჯეთ.როცა გამოცხვება შეგრილდეს და შემდეგ ამოიღეთ ფორმიდან.
თქვენი სურვილით შეგიძლიათ მორთოთ,მე მინანქარს ვასხამ,ისე უყველაფროდ მომწონს.
ყველაზე მთავარია,ცომის მოზელის დროს უნდა იყოთ კარგ განწყობაზე და მთელი სიყვარულით მოზილოთ ცომი, უნდა მოეფეროთ ცომს.
წარმატებებს გისურვებთ!
ამ რეცეპტით პასკა გამოდის მძიმე და ნოტიო,როგორიც უნდა იყოს ნამდვილი პასკა,არაფუმფულა.
2 ულუფას ერთად ნუ მოამზადებთ.