UFC-ის ქვემსუბუქი წონის ქართველი ჩემპიონი ილია თოფურია მაიამიში ამერიკის საფეხბურთო ლიგის (MLS) რეგულარული სეზონის მატჩს დაესწრო, რომელშიც „ინტერ მაიამი“ „კოლორადო რაპიდსს“ (2:2) დაუპირისპირდა.
აღნიშნულ შეხვედრაში „ინტერ მაიამის“ მაისურით გოლის გატანა ლიონელ მესიმ მოახერხა. ლეგენდარულმა არგენტინელმა ფეხბურთელმა 58-ე წუთზე ანგარიში 1:1 გახადა.
მატჩის შემდეგ თოფურია მესისა და „ინტერ მაიამის“ სხვა ვარსკვლავებს – ლუის სუარესს, სერხიო ბუსკეტსსა და ხორდი ალბას შეხვდა.
თოფურიამ მესისთან დიალოგი გაამხილა:
ილია თოფურია ლეო მესისთან შეხვედრაზე:
“ჩვენ 10 წუთი ვილაპარაკეთ ყველაფერზე, მან ჩემპიონობა მომილოცა და მითხრა შემდეგი ჩხუბი როდის მაქვს. ის ჩემ მომდევნო ბრძოლაზე დავპატიჟე და ძალიან გაუხარდა, თუმცა რა თქმა უნდა მის კალენდარზეა დამოკიდებული.
“ლეო მესი ერთადერთი ადამიანია მაიკლ ჯორდანთან ერთად, რომელსაც ფოტოს გადაღებას ვთხოვდი”,- ამბობს ქართველ-ესპანელი სპორტსმენი.