რძე — საკვები პროდუქტი, რომელიც მიიღება მდედრი ცხოველისაგან. შეიცავს დიდი რაოდენობით ცხიმებს, ცილებსა და ლაქტოზას ნახშირწყლებს.[1] ადამიანების უმეტესობას ლაქტოზის აუტანლობა ჭირს.[2] როგორც წესი თეთრი ფერისაა. საკვებად გამოიყენება ძროხის, კამეჩის და სხვა შინაური ცხოველის რძე.
რძის ყოველდღიური მიღება აუმჯობესებს კანის სტრუქტურას, არბილებს და ატენიანებს კანს. ასევე აქვს კანის დაბერების საწინააღმდეგო ეფექტი.
რძე კალციუმის შემცველი წყაროა, რომელიც აძლიერებს ძვლისა და კბილების სტრუქტურას.
რძის დალევა ძვლების გასამაგრებლად არა მხოლოდ ბავშვებისთვის არის რეკომენდებული, როცა მათი ძვლები ჩამოყალიბებესა და ზრდას იწყებენ. სასურველია, რომ ძვლების ჯანმრთელობაზე ნებისმიერ ასაკში იზრუნოთ.
რძე დიდი რაოდენობით პროტეინს შეიცავს. რეკომენდებულია, რომ ვარჯიშის შემდეგ ერთი ჭიქა რძე დალიოთ, თქვენი სხეული კი იმ ელემენტებს მიიღებს, რაც ესაჭიროება.
- დადებით თვისებებთან ერთად, შესაძლოა, რძის პროდუქტების აუტანლობა გქონდეთ, რასაც თქვენს კანსა და ორგანიზმზე უარყოფითი შედეგი ექნება.
პირველ რიგში, რძეს ისინი უნდა მოერიდონ, ვინც ალერგიით იტანჯება. ძალიან ხშირად, რძის ალერგია კანის სიწითლით, ქავილით და ბრონქიალური ასთმითაც კი გამოიხატება.
რძეს უკუჩვენება აქვს თირკმელებში ფოსფატური კენჭების არსებობისას, ასევე ლაქტაზის დეფიციტის დროს.
55 წელს გადაცილებულთ, ექიმები არ ურჩევენ რძის ჩართვას ყოველდღიურ რაციონში. ამის მიზეზი რძეში შემავალი მირისტინის მჟავაა, რომელიც დაბალი სიმკვრივის ლიპოპროტეიდების წარმოქმნას უწყობს ხელს,ეს კი ათეროსკლეროზის რისკს ზრდის.