ჩრდილოეთ ამერიკის კონტინენტის ნაწილში მზის სრული დაბნელება მოხდა. მზის დისკო მთვარემ 4 წუთისა და 48 წამის განმავლობაში სრულად გადაფარა. ეს მოვლენა კონტინენტზე 2044 წლამდე აღარ განმეორდება.
მთვარის ჩრდილი დედამიწაზე სამხრეთ-აღმოსავლეთიდან ჩრდილო-დასავლეთის მიმართულებით წავიდა და გაიარა მექსიკა, აშშ-ის 13 შტატი და კანადის ნაწილი.
მზის დაბნელება ჩვეულებრივი ასტრონომიული მოვლენაა, რომელსაც ადამიანზე არანაირი გავლენა არ აქვს.
დაბნელებას მზის, მთვარისა და დედამიწის კოსმოსური განლაგება იწვევს.
მთვარის დაბნელების შემთხვევაში, შუაში დედამიწა ექცევა და მისი ჩრდილი მთვარეს ეცემა.
მზის დაბნელების შემთხვევაში, შუაში მთვარეა და მისი ჩრდილი დედამიწას ეცემა.