საქართველოს ნაკრების ფეხბურთელმა, ბუდუ ზივზივაძემ “იმედის კვირასთან” ინტერვიუში განაცხადა, რომ ის სახლში ქართველი ქომაგების მოპატიჟებას არ ნანობს, მეტიც, მან კიდევ ერთხელ აღნიშნა, რომ გულშემატკივრებს, რომლებიც სასტუმროს პოვნას ვერ შეძლებენ, კარლსრუეში საკუთარ ბინაში უმასპინძლებს.
“ხალხი ძალიან ელოდება ზაფხულს და იმას, რომ ჩემთან შეეძლებათ დარჩენა… არ ვნანობ (შეთავაზებას), ემოციურად ვიყავი და მინდოდა რომ… ხალხს, ვინც ვერ შეძლებს, მართლა შეუძლიათ, რომ დარჩნენ ჩვენთან… დარწმუნებული ვარ, რომ ყველა ნაკრებს ჩამოჰყვება ძალიან ბევრი ქომაგი თავის ქვეყნიდან და ჩვენც, რა თქმა უნდა, გვსურს, რომ ჩვენი ქომაგი აქ იყოს”. – თქვა საქართველოს ნაკრების ფეხბურთელმა, ბუდუ ზივზივაძემ იმედის კვირასთან ინტერვიუში.