ესპანეთი საქართველოში გაცემულ მართვის მოწმობას აღიარებს – აღნიშნულ საკითხთან დაკავშირებით, შინაგან საქმეთა მინისტრმა, ვახტანგ გომელაურმა ესპანელ კოლეგასთან, ფერნანდო გრანდე-მარლასკა გომესსთან მემორანდუმი გააფორმა. მინისტრი დელეგაციასთან ერთად ესპანეთის სამეფოში იმყოფება.
შეთანხმების ძალაში შესვლის შემდეგ, ქართული მართვის მოწმობის მფლობელები, თეორიული ან პრაქტიკული გამოცდის ჩაბარების გარეშე შეძლებენ მიიღონ თანაბარი ძალის მქონე მართვის მოწმობა ესპანეთში, თუ იქ კანონიერად ცხოვრობენ. შეხვედრაზე, მხარეებმა სამართალდაცვით სფეროში არსებული თანამშრომლობის მნიშვნელობასა და სამომავლო გეგმებზეც ისაუბრეს.