ბათუმის რეფერალურ საავადმყოფოში პოლიციაა მობილიზებული.
პოლიციის მობილიზება მას შემდეგ გახდა საჭირო, როცა ცოლის მკვლელობაში ბრალდებული კაცის პალატაში მოკლული ქალის ახლობლებმა შეჭრა სცადეს.
შეგახსენებთ, 34 წლის ქალი ქმარმა ბათუმიდან მოტყუებით შუახევში წაიყვანა და მდინარის სანაპიროზე მოკლა. ქალს ჭრილობა ყელის არეში ჰქონდა მიყენებული. იგი ადგილზე გარდაიცვალა. მკვლელობის შემდეგ, თვითდაზიანებები მიიყენა თავად ბრალდებულმაც, რომელიც კლინიკაში მოათავსეს. ბრალდებული მიყენებული დაზიანებებით გარდაიცვალა.
უცნობია, რა გახდა მკვლელობის მოტივი. სავარაუდო მიზეზად ეჭვიანობა სახელდება.
ფაქტზე გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს. მოკლულს ორი მცირეწლოვანი შვილი დარჩა.