სოციალურ ქსელში ქვემო ახალშენის საჯარო სკოლის დირექტორის, ფერიდე შაინიძის სახელით დაწერილმა კომენტარმა საზოგადოების აღშფოთება გამოიწვია. კომენტარი შუახევში, ქმრის მიერ მოკლულ ქალს ეხებოდა. “თავში ავარდნილ ქალებს ემართებათ ასე… სიკვდილამდე მიდის მათი საქმე” – წერდა ფერიდე.
სკანდალის შემდეგ შაინიძემ კომენტარი წაშალა და ქვემო ახალშენის საჯარო სკოლის გვერდმა გამოაქვეყნა ოფიციალური ცრუ ინფორმაცია, თითქოს დირექტორს სოციალური ქსელი გაუტეხეს და აღნიშნული კომენტარი მას არ დაუწერია, თუმცა “მეტრონომთან” საუბრის დროს სკოლის დირექტორი ცალსახად ამბობს, რომ კომენტარი მას ეკუთვნის და საუბარში ისიც განმარტა, რომ ის არამარტო მოკლულ ქალბატონს, არამედ ყველა “თავშიავარდნილ ქალს” ეხება. იხილეთ ვიდეო
თავდაპირველად დადასტურების, მოგვიანებით კი ყველაფრის უარყოფის შემდეგ ახალშენის საჯარო სკოლის დირექტორის ბოლო ნაბიჯი სოციალური ქსელის გაუქმება აღმოჩნდა. ამ დროისთვის ფერიდე შაინიძის “ფეისბუკ” გვერდი აღარ იძებნება.