ბათუმში ქმრის მიერ მოკლული ახალგაზრდა ქალი 33 წლის მელანო ქიზინიძეა. ახალგაზრდა ქალს სასიკვდილო ჭრილობა ყელის არეში აქვს მიყენებული. მკვლელობის შემდეგ, თვითდაზიანებები მიიყენა თავად ბრალდებულმაც, რის შედეგადაც გარდაიცვალა. ბრალდებულის ძმამ დანაშაული პოლიციას მას შემდეგ შეატყობინა, რაც ცოლის მკვლელობის შემდეგ თავად ეჭვმიტანილმა მამაკაცმა დაურეკა.
“მელანო😞 ეჭვიანობის ნიადაგზე მოუკლავს ჩემი დაბელი გოგო თავის ქმარს… გოგოებო, გთხოვთ შეწყვიტოთ ისეთ ბიჭებთან ურთიერთობა, ვინც ეჭვიანია, უხეში და ა.შ. ნუ გგონიათ ეს “მამაკაცური ხასიათი” ნორმალური. ვერასდროს იქნებით ჯანსაღ ურთიერთობაში ასეთ ადამიანთან, მერამდენე ფემიციდის შემთხვევა უნდა დაფიქსირდეს, რომ ეს ყველაფერი ნორმად აღარ ჩათვალოთ😞“ – წერენ სოციალურ ქსელში.
მელანო ქიზინიძის სოციალურ ქსელში მეუღლესთან გადაღებულ ფოტოებსაც ვაწყდებით. მათ 2 მცირეწლოვანი შვილი დარჩათ.