2024 წლის აპრილი სიახლეებისა და ტრანსფორმაციის თვე იქნება. როგორც ასტროლოგები ამბობენ, გაზაფხულის მეორე თვეს მიწის ენერგია მართავს. შესაძლოა, ბევრმა ადამიანმა ემოციური არასტაბილურობა იგრძნოს და ნაჩქარევი გადაწყვეტილებებიც მიიღოს. მეტიც, შეიძლება, აღნიშნული პერიოდი შეცდომების წინაპირობად გადაიქცეს. ამიტომაც, განსაკუთრებული ყურადღება გამოიჩინეთ. ვიდრე რადიკალურ გადაწყვეტილებებს მიიღებთ, იქამდე საკითხი კარგად შეისწავლეთ და შეაფასეთ.
2024 წლის აპრილი შესანიშნავ შესაძლებლობას გაძლევთ, თქვენი ოცნების საქმე წამოიწყოთ და საკუთარ გამოცდილებასა და ცოდნას დაეყრდნოთ. წარმატების მიღწევის დიდი შანსი გექნებათ, თუკი პირად გამოცდილებასთან ერთად, სხვა ადამიანების მოსაზრებებსაც გაიზიარებთ.
აპრილში კომუნიკაცია შედარებით გართულებულია. როგორც ასტროლოგები ამბობენ, ადამიანებს საკუთარი პოზიციის დაცვა იმაზე ხისტად სურთ, ვიდრე აქამდე. ამიტომაც, არ არის გამორიცხული, რომ კონფლიქტურ სიტუაციაშიც აღმოჩნდეთ. ნებისმიერ შემთხვევაში, შეეცადეთ, იყოთ ტაქტიანი და საკუთარი აზრი ეთიკურად დააფიქსიროთ.
გასათვალისწინებელი თარიღები 2024 წლის აპრილში:
4, 10, 16, 26, 28 აპრილი – ასტროლოგები გირჩევენ, რომ ამ დღეებში რაიმე მნიშვნელოვანი არ დაგეგმოთ, არ მიიღოთ ნაჩქარევი გადაწყვეტილებები, ნუ გადაწყვეტთ შორ მანძილზე გადაადგილებასა და მოგზაურობას, ნუ დაკავდებით სახიფათო აქტივობებით. შეეცადეთ, გამოიჩინოთ უფრო მეტი ყურადღება.
6, 18, 30 აპრილი – ყველაზე წარმატებული თარიღებია გადაწყვეტილებები მისაღებად და მნიშვნელოვანი საკითხების დასაგეგმად. ამიტომაც, სიახლეებისთვის ეს დღეები გამოიყენეთ.
რაც შეეხება სასიყვარულო ურთიერთობებს, როგორც ასტროლოგები ამბობენ, ამ მიმართულებითაც შესაძლოა, ერთგვარი არასტაბილურობა იგრძნოთ. თვე საკმაოდ კონფლიქტურია და შესაძლოა, საყვარელ ადამიანთან კომუნიკაციაც განსაკუთრებით გაგიჭირდეთ. თუმცა, გახსოვდეთ, ნაჩქარევ გადაწყვეტილებებს ნუ მიიღებთ. იმპულსურად დაშორებაზე ან ურთიერთობის სამუდამოდ დასრულებაზე ნუ იფიქრებთ. შესაძლოა, მოგვიანებით, როცა ემოციური ფონი დასტაბილურდება, არსებული გადაწყვეტილება ინანოთ. ეს განსაკუთრებით ეხება იმ ადამიანებს, რომლებიც დრაკონის ან კურდღლის წელში არიან დაბადებულები.
ფინანსური თვალსაზრისით, აღნიშნული თვე პერსპექტიულ შეთავაზებებსა და ახალი თანამშრომლობის შესაძლებლობას მოგცემთ, რაც დაგეხმარებათ, დაწინაურდეთ და შემოსავალიც გაიზარდოთ.
აპრილი ახალი წამოწყებებისა და ცვლილებებისთვის ხელსაყრელია, თუმცა იმპულსურ და რადიკალურ გადაწყვეტილებებს ნუ მიიღებთ. სხვა მხრივ, წარმატების მიღწევის დიდი შანსია.
წყარო – “ბომოდნი”