ქობულეთის მუნიციპალიტეტში ძმამ ძმა დაჭრა – რა მოხდა ჭახათში

ქობულეთის მუნიციპალიტეტის სოფელ ჭახათში მომხდარი სისხლიანი ინცინდენტის შესახებ დამატებითი დეტალები ხდება ცნობილი.

tvpirveli.ge-ს ინფორმაციის თანახმად, 2 დღის წინ ძმებს შორის დაწყებული კონფლიქტი ერთ-ერთი მათგანის დაჭრით დასრულდა.

მამაკაცს ჭრილობები ცივი იარაღით აქვს მიყენებული. tvpirveli.ge-ს ინფორმაციით,  40 წლამდე კაცი ქობულეთის სამედიცინო ცენტრში გვან ღამით შეიყვანეს, სადაც სასწრაფო ოპერაცია ჩაუტარდა.

ჩვენთვის მოწოდებული ინფორმაციით, ინცინდენტის დროს, ძმები ალკოჰოლის ზემოქმედების ქვეშ იყვნან.

საქმეზე გამოძიება სისხლის სამართლის კოდექსის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.