რეპროდუქტოლოგი ეკა კვირკველია, რომელიც სექსუალური განათლების თვალსაზრისით, საზოგადოების ცნობიერებას ამაღლებს, ამჯერად, ე.წ ქალიშვილობის ინსტიტუტის შესახებ ისაუბრა.
„ქალიშვილობის საკითხი სოციალური კონსტრუქციაა, რაც იმას ნიშნავს, რომ ადამიანებმა მოიგონეს, რასაც არ გააჩნია არანაირი ფიზიკური საფუძველი. საქალწულე აპკი ძალიან ელასტიკური და ცვალებადი ქსოვილია, რომელიც ინდივიდებში განსხვავდება.
ის არ არის სიწმინდისა და სექსუალური გამოცდილების ნიშანი და არ არსებობს მეცნიერულად დასაყრდენი გზა, რომ განსაზღვრო, ქალწულობა კვლევისა და შეფასებისას.
ქალწულობას არ აქვს სამედიცინო ან სამეცნიერო განმარტება და ის არის სოციალური, კულტურული და რელიგიური კონსტრუქცია.
მიუხედავად ამისა, კლინიკურ პრაქტიკაში, ექიმები ხშირად ვაწყდებით ქალწულობასთან დაკავშირებულ კითხვებსა თუ ეჭვებს. მაგალითად, სექსუალური ძალადობის შეფასებისას, ტრავმების შეფასებისას, ან თუნდაც, ჩვეულებრივი მოზარდის პროფილაქტიკური ვიზიტის დროს. ამ ყველაფერს ხშირად ახლავს ხოლმე თხოვნები, ან მოთხოვნები ქალწულობის შემოწმებაზე, ან სერტიფიკატის გაცემაზე, ნამდვილად ქალწულია თუ არა გოგონა….“