მექსიკაში კრიმინალურმა დაჯგუფებამ 30-მდე საქართველოს მოქალაქე გაიტაცა. გატაცებულების ახლობლები დახმარებას ითხოვენ. აღნიშნულ საკითხს გამოეხმაურა საქართველოს საგარეო საქმეთა სამინისტრო.
“საელჩო კავშირზეა მექსიკის საიმიგრაციო სამსახურთან დამატებითი ინფორმაციის მიღების მიზნით და არკვევს მოქალაქეთა შესაძლო ადგილსამყოფელს. საელჩო კავშირზე რჩება მოქალაქეთა ოჯახის წევრებთან, მათთან, ვინც მიმართა საელჩოს ოჯახის წევრის ადგილსამყოფელის დადგენის მიზნით” – ნათქვამია განცხადებაში.