ხონში, დევნილთა დასახლებაში, ყოფილმა სიძემ სიდედრი სანადირო თოფით დაჭრა. ქალს ჭრილობები ცეცხლსასროლი იარაღით მხარში აქვს მიყენებული. ადგილობრივები ამბობენ, რომ დაზარალებული ემიგრაციიდან ახალი დაბრუნებულია, მას წუხელ ოპერაცია ჩაუტარდა და მისი ჯანმრთელობის მდგომარეობა დამაკმაყოფილებელია. მათივე ინფორმაციით, მამაკაცმა დაახლოებით 6 თვის წინ მეუღლეზეც იძალადა, რის გამოც ის დაკავებული იყო, თუმცა მოგვიანებით მეუღლემ საჩივარი გამოიტანა.