“კურიერმა” ინტერვიუ ჩაწერა 20 წლის გოგოსთან, რომელიც ყვება, როგორ გაუვრცელა შეყვარებულის მეგობარმა პირადი ცხოვრების ამსახველი კადრები.
ინტიმური შინაარსის ფოტო და ვიდეო მასალა მამაკაცის ხელში სრულიად შემთხვევით, ტელეფონში დარჩენილი “ფეისბუკის” აპლიკაციით აღმოჩნდა. ახალგაზრდა ქალი ამბობს, რომ ჩანაწერების გასაჯაროებამდე მამაკაცი აშანტაჟებდა. სთხოვდა დიდი ოდენობით თანხას, სქესობრივ კავშირს და უსიტყვო მორჩილებას.
დაზარალებულმა მუქარას და ზეწოლას ვერ გაუძლო და დახმარებისთვის სპეციალურ საგამოძიებო სამსახურს მიმართა. პირადი ცხოვრების საიდუმლოების ხელყოფის ბრალდებით სამართალდამცველებმა 20 წლის მამაკაცი, თბილისში დააკავეს.
“ძალიან რთული დღეები მქონდა, ძალიან სტრესში ვიყავი. წამოვიდა მუქრები… რასაც მთხოვდა უნდა გამეკეთებინა… ითხოვდა თანხას, ასევემქონოდამასთან ფიზიკური ურთიერთობა. ყველაფერზე უარი რომ ვუთხარი, მის გვერდზე გაავრცელა ჩემი ფოვო–ვიდეო მასალები “- რას ამბობს გოგო, რომელსაც შეყვარებულის მეგობარმა ინტიმური შინაარსის ფოტო და ვიდეომასალა გაუვრცელა.