ორი 13 წლის მოზარდი – ცოტნე გათენაშვილი და ნიკოლოზ ფარულავა, რომლებიც გუშინ სკოლის შემდეგ გაუჩინარდნენ, შსს-ს თანამშრომლებმა ძველ თბილისში იპოვეს.
ისინი ამჟამად უსაფრთხოდ იმყოფებიან. მოზარდები 92-ე სკოლის მოსწავლეები არიან და მათ ოჯახები გუშინ სკოლის შემდეგ ეძებდნენ. მათთან დაკავშირება იმის გამო ვერ ხერხდებოდა, რომ ბიჭებს თან მობილური ტელეფონები არ ჰქონდათ. თვითმხილველებმა კი ბოლოს ისინი თავისუფლების მოედანზე ნახეს. შსს-ს თანამშრომლები სამძებრო სამუშაოებში გუშინ საღამოს 9 საათზე ჩაერთვნენ.