თელავში არასრულწლოვანი გააუპატიურეს. ამ ამბის გაგების შემდეგ გოგონას ძმამ რამდენჯერმე სცემა.
შინაგან საქმეთა სამინისტროს ცნობით, გამოძიებით დადგინდა, რომ 26 წლის ა.ნ.-ს სქესობრივი კავშირი ჰქონდა 15 წლის არასრულწლოვანთან. მომხდარის შესახებ ცნობილი გახდა არასრულწლოვნის ოჯახის წევრებისთვის, რის შემდეგაც გოგონაზე ძმამ რამდენჯერმე ფიზიკურად იძალადა.
გამოძიება სსკ-ის 126-ე პრიმა მუხლის მე-2 ნაწილის “ა” ქვეპუნქტითა და 140-ე მუხლის პირველი ნაწილით მიმდინარეობს, რაც წინასწარი შეცნობით ოჯახის არასრულწლოვანი წევრის მიმართ ჩადენილ ძალადობასა და წინასწარი შეცნობით 16 წლის ასაკს მიუღწეველ არასრულწლოვანთან სქესობრივი დანაშაულის ჩადენას გულისხმობს.
ცემაში ბრალდებულ ძმას 3 წლამდე, ხოლო გაუპატიურებაში ბრალდებულს – 7-დან 9 წლამდე პატიმრობა ემუქრებათ.