ბათუმში, კერძო სკოლა “თამარისში” პირველკლასელს ტანსაცმელი გახადეს და მასზე ფიზიკურად იძალადეს. ინფორმაციას AJARATIMES.GE ავრცელებს.
მშობელის თქმით, ფიზიკურ ანგარიშსწორებამდე მოსწავლეს აბულინგებდნენ. მშობლმა აღნიშნულის შესახებ სკოლის ადმინისტრაციას აცნობა, თუმცა ფაქტზე რეაგირება არ მომხდარა.
“აჭარა თაიმსი” კერძო სკოლა “თამარისის” მფლობელს დაუკავშირდა, რომელმაც ძალადობის ფაქტი კატეგორიულად უარყო და განაცხადა, რომ ბავშვების “თამაშს” ძალადობა არ შეიძლება ეწოდოს.
“ერთი მშობელის ნათვამი არ შეიძლება სიმართლე იყოს. თუ მართლაც მოხდა აღნიშნული შემთხვევა მაშინ ინციდენტში თავისი ბავშვიც მონაწილეობდა. ხელზე ჩალურჯებები არ ჰქონია, მე არ მინახავს. გამოკითხეთ კლასელები და მიხვდებით რაშია საქმე. ჩემი მოკვლევით ის გაირკვა, რომ ბავშვები თამაშობდნენ, ტანსაცმლის გახდის პროცესში აღნიშნული მოსწავლეც მონაწილეობდა,” – განაცხადა ზაურ სოლომონიძემ, რომელიც კერძო სკოლა “თამარისის” მფლობელია.