ლევან სუთიძე სოციალიურ ქსელში პოსტს ავრცელებს, რითიც ეპისკოპოსს გიორგი ჯამდელიანს მიმართავს.
“რომ არ დაგიმალოთ, მეცოდებოდა ეპისკოპოსი გიორგი ჯამდელიანი, როცა მისი ქორწინების ამბავი გავიგე – სიყვარულს ყველას წაქცევა შეუძლია და ეს დრამატურგია თანაგრძნობას აღძრავს, მიუხედავად იმისა, რომ მის მეუფებას არანაირი თანაგრძნობა არ აქვს მათ მიმართ, ვისი სიყვარულისაც არ ესმის.
მეცოდებოდა იქამდე, სანამ არ ვნახე, როგორ უარყოფს მისსავე სიყვარულს საჯაროდ. ახლა ვუთანაგრძნობ, მაგრამ აღარ მეცოდება.
თუ დააკვირდით, პატარძლის (რომელსაც ბედნიერებას ვუსურვებ) ოჯახი საჯაროდ არ უარყოფს ქორწინებას – არც ადასტურებს, მაგრამ არც უარყოფს.
ეპისკოპოსი ჯამდელიანი კი უარყოფს. არ ვიცნობო.
შეეძლო ათასნაირად აერიდებინა თავი, მაგრამ უარყო.
ეს იმას ნიშნავს, რომ მისმა მეუფებამ ვერც ეპისკოპოსად ივარგა და ვერც სიძედ.
როცა სიყვარულის გამო ეპარქიას ვერ ტოვებ, არც ერთს იმსახურებ და არც მეორეს.
რამეს შეელიეთ, თქვენო მეუფებავ და ჩემი რჩევა იქნება – სიყვარულს არ შეელიოთ. თქვენც იცით, რომ ეპისკოპოსად არც იქამდე ვარგოდით, ხანდახან კი სიყვარულის ღმერთი უცნაური გზებით გვაგებინებს სად არის ჩვენი ადგილი”– წერს ლევან სუთიძე.