“ეს მსოფლიოსთვის ყველაზე დიდი და მასშტაბური შენჯღრევა იყო”, – ამის შესახებ განცხადებას მსახიობი, ზურა ყიფშიძე კორონავირუსის პანდემიასთან დაკავშირებით აკეთებს.
როგორც მსახიობი აცხადებს, პანდემიას ტკივილი და ტრაგედია მოჰყვა.
“ეს მსოფლიოსთვის ყველაზე დიდი და მასშტაბური შენჯღრევა იყო. არ ვიცი, შეიძლება ეს ვიღაცის გათვლილი სვლაცაა, ვერაფერს გეტყვით… დამანახა, რომ ადამიანები პატარა ჭიანჭველებივით ვართ, უსუსურები და ბრძოლა სიცოცხლისთვის – ეს არის საზიზღარი შეგრძნება. გადარჩენისთვის ბრძოლაში არ არის არანაირი რომანტიკა, ამას მოჰყვა ტრაგედია, ტკივილი, ერთმანეთის შეურაცხყოფა… რა უბედურებაა, სულ ომობანას თამაში და ქვების სროლა, დაიტანჯა ყველა. ფეხბურთში გადაიტანონ ეს საბრძოლო შემართება, ჭადრაკში სინჯონ ძალები ან სხვა რამეში.. შიმშილით კვდება ხალხი, ბოლოს და ბოლოს, ეს ყველაფერზე მტკივნეული და მნიშვნელოვანი პრობლემაა. ადამიანები მართლა ცოდოები არიან”, – განაცხადა ზურა ყიფძიძემ “კვირის პალიტრასთან”.