რუსეთში, 17 წლის გოგონამ ბავშვი გააჩინა და ქუჩაში დააგდო. ამის შესახებ ინფორმაციას რუსეთის ფედერაციის საგამოძიებო კომიტეტის რეგიონის საგამოძიებო დეპარტამენტის პრესსამსახური ავრცელებს.
გამოძიება მას შემდეგ დაიწყეს, რაც ახალშობილი ბიჭის ცხედარი 20 თებერვალს, ერთ-ერთ საცხოვრებელ კორპუსთან აღმოაჩინეს.
ბავშვის დედა 17 წლის ვორონეჟის მკვიდრია. გოგონამ პოლიციაში აღიარა, რომ ბავშვი თავად გააჩინა, შემდეგ კი მოიშორა. მან დასძინა, რომ ის არ იყო რეგისტრირებული კლინიკაში და არ მიუმართავს სამედიცინო დახმარებისთვის.
ამ დროისთვის გამომძიებლები მომხდარის ყველა გარემოებას ადგენენ. შემოწმების შედეგების საფუძველზე მიიღება საპროცესო გადაწყვეტილება, განმარტავენ რეგიონულ საგამოძიებო კომიტეტში.