“სეირნობის შემდეგ თავი ცუდად იგრძნო და მალევე გონება დაკარგა” – რა ინფორმაციას ავრცელებს უცხოური მედია ნავალნის გარდაცვალებაზე

reuters-ის ინფორმაციით, რუსი ოპოზიციონერი ალექსეი ნავალნი 47 წლის ასაკში გარდაიცვალა.

ფედერალური სასჯელაღსრულების სამსახურის ადგილობრივი დეპარტამენტის სასწრაფო დახმარების ექიმებმა მსჯავრდებულის გარდაცვალება დაადასტურეს.

nbcnews.com-ის ინფორმაციით, ნავალნი „სეირნობის შემდეგ თავი ცუდად იგრძნო და მალევე გონება დაკარგა. შემთხვევის ადგილზე სასწრაფოდ მივიდნენ დაწესებულების მედპერსონალი და გამოიძახეს სასწრაფო სამედიცინო დახმარების ჯგუფი. ჩატარდა ყველა საჭირო რეანიმაციული ღონისძიება, მაგრამ მათ დადებითი შედეგი არ გამოუღიათ. სასწრაფო სამედიცინო დახმარების ბრიგადამ მსჯავრდებულის გარდაცვალება დაადასტურა“.