ანალიტიკოსი არჩილ გამზარდია მამა პეტრე კოლხისთვის მღვდელმოქმედების შსაძლო შეჩერებას სოციალურ ქსელში ეხმიანება.
“დეკანოზი პეტრე კვარაცხელია, ერთ-ერთი უიშვიათესი სასულიერო პირია, ვინც ეტიკეტს კი იცავდა, მაგრამ რევერანსებით არ ელაპარაკება ე.წ. მიტრ შიოს და ე.წ. დეკ. ჯაღმაიძეს.
მედიაში მისასვლელად მონურ მორჩილებას არ გამოხატავს საპატრიარქოს უზურპატორებთან და თავად იღებს გადაწყვეტილებებს.
ე.წ. სინოდალური კომისია, რომლის მსგავს მახინჯ წარმონაქმნს საეკლესიო ცხოვრება არ იცნობს და ჩვენთან ითავსებს მთელი სინოდის და პატრიარქის ფუნქციასაც კი, მხოლოდ იმას ვერ პატიობს სასულიერო პირებს, მათ შორის პეტრე კვარაცხელიასაც, რომ არ ემონება კონკრეტულ სასულიერო უზურპატორებს. ესაა მთელი ამბავი.
საქართველოს მართლმადიდებელი ეკლესია ამჟამად უზურპატორი პირების ხელშია და ყველას ანადგურებენ, ვინც მათ არ ემორჩილება”– წერს არჩილ გამზარდია.
სინოდალურმა კომისიამ არასაპატიოდ სცნო მამა პეტრე კოლხის არგუმენტები და შუამდგომლობით მიმართა სრულიად საქართველოს კათოლიკოს პატრიარქს, უწმინდესსა და უნეტარეს ილია II-ს, დეკანოზ პეტრე კვარაცხელიასთვის კომისიის მომავალ სხდომამდე ყოველგვარი მღვდელმოქმედების შეჩერების შესახებ.