ქობულეთში, შშმ პირის მიმართ ჩადენილ სექსუალურ დანაშაულთან დაკავშირებით ახალი დეტალები ხდება ცნობილი.
“დაუძახა ჩემს ბავშვს, დაიჯინა მანქანაში და ამ მომენტში მარჯვენა მხარეს მინა აწია და ბავშვს ფერება დაიწყო” – ამბობს შშმ პირის მამა
შშმ პირის გაუპატიურებაში ბრალდებულია 80 წლამდე ასაკის კაცი, რომელიც ადგილობრივების ინფორმაციით, ტაქსის მძღოლი იყო.
ბრალდებული დაკავებულია.
მამაკაცს ბრალდება საქართველოს სისხლის სამართლის კოდექსის 137-ე მუხლის მესამე ნაწილის ,,დ’’ და 138-ე მუხლის მეორე ნაწილის ,,დ’’ ქვეპუნქტებით წარედგინა (წინასწარი შეცნობით შეზღუდული შესაძლებლობის მქონე პირის გაუპატიურება და სექსუალური ხასიათის სხვაგვარი ქმედება), რაც სასჯელის სახედ და ზომად 10-დან 13 წლამდე თავისუფლების აღკვეთას ითვალისწინებს.
პროკურატურამ ბრალდებულისთვის აღკვეთის ღონისძიების სახით პატიმრობის გამოყენების მოთხოვნით, ბათუმის საქალაქო სასამართლოს უკვე მიმართა.