რუსთავის მერი ნინო ლაცაბიძე დღეს რუსთავის ბაზარში მომხდარ შემთხვევას გამოეხმაურა და გარდაცვლილთა ოჯახებს სამძიმარი გამოუცხადა.
“მწუხარებას გამოვთქვამ დღეს რუსთავში, აგრარულ ბაზარში მომხდარი შემზარავი ფაქტის გამო.
სამძიმარს და თანადგომას ვუცხადებ დაღუპულთა ოჯახებს.
იმედს გამოვთქვამ, რომ ინცინდენტის შედეგად დაზარალებული ახალგაზრდა, რომელიც ამჟამად ექიმების მეთვალყურეობის ქვეშაა, გამოჯანმრთელებული დაუბრუნდება ოჯახს,”- წერს ლაცაბიძე
ცნობისთვის, რუსთავში, ე.წ. სტამბოლის ბაზარზე განხორციელებული სროლის შედეგად 4 ადამიანი გარდაიცვალა, ერთი კი დაჭრილია.
მამაკაცი სამართალდამცავებმა ადგილზე დააკავეს.