ცნობილი შეფი, მიშა ავსაჯანიშვილი ჟურნალ „თბილისელების“ კითხვას პასუხობს, თუ რატომ იყო მისთვის განსაკუთრებულად მძიმე 2023 წელი.
„31 დეკემბერს ბევრი აკეთებს წლის შეჯამებას და სოციალურ ქსელშიც ხშირად შევხვდებით ამ თემაზე პოსტს. მეც მინდოდა ამის გაკეთება, მაგრამ 2023 ჩემთვის ძალიან ცუდი წელი იყო. მოხდა ის, რისიც მთელი ცხოვრება მეშინოდა, დედა გარდამეცვალა. არ ვიცი რატომ, მაგრამ ყოველდღე ამაზე ვფიქრობდი. მაგალითად, დედა მაღაზიაში რომ მიდიოდა, ვფიქრობდი, ვაიმე, ან მანქანა არ დაეჯახოს, ან რამე არ დაეცეს-მეთქი. სულ ამის მეშინოდა. ამაზე მე თვითონ არ მინდოდა საუბრის დაწყება, მაგრამ რადგან შევეხეთ, ვიტყვი, რომ დედაჩემის გარდაცვალების შემდეგ ჩემს ცხოვრებაში იმდენი საქმიანი და საინტერესო წინადადება გამოჩნდა, რომ მოსადუნებლად და დარდისთვის დრო აღარ მრჩება.