სახალხო დამცველი ლევან იოსელიანი მსახიობ სოსო ჯაჭვლიანის გარდაცვალების გამო მწუხარებას გამოთქვამს.
სამძიმრის წერილს იოსელიანი სოციალურ ქსელში აქვეყნებს.
„ღრმა მწუხარებას გამოვთქვამ, გამოჩენილი ქართველი მსახიობის სოსო ჯაჭვლიანის გარდაცვალების გამო. თავისი საქმის პროფესიონალი, გულისხმიერი და სამშობლოზე უზომოდ შეყვარებული კაცი დააკლდა მთელ საქართველოს და განსაკუთრებით მის მშობლიურ კუთხეს, სვანეთს. ვუსამძიმრებ ოჯახს და მეგობრებს“,-წერია სამძიმრის წერილში.
ხანგრძლივი ავადმყოფობის შემდეგ, სოსო ჯაჭვლიანი 65 წლის ასაკში თურქეთის კლინიკაში, გარდაიცვალა.