ქედის მუნიციპალიტეტში, განვითარებული მეწყრის შედეგად აჭარის პოლიციის დეპარტამენტის ქედის რაიონული სამმართველოს უბნის უმცროსი ინსპექტორი თემურ ბარამიძე გარდაიცვალა.
“სახლიდან გამოვიდნენ, რადგან ზვავი ჩამოწვა, ცოლიც გამოჰყვა გარეთ, მაგრამ კაცი სახლში შებრუნდა მობილურის ასაღებად. ამ დროს ჩამოწვა მეწყერი და ჩაიმარხა…
მაშველები ვერ მოვიდნენ უგზოობის გამო, მაგრამ ყველა ცდილობდა ამოყვანას, რომ ამოიყვანეს, უკვე გარდაცვლილი იყო. შემოვლითი გზებით გადაიყვანეს ახლა კლინიკაში, 57 წლის იყო.
მეწყერსაშიშ ზონაში იყო ეს სახლი, ქირით იყო გაყვანილი ოჯახი, ხელვაჩაურში აქვთ ნაქირავები ბინა, მაგრამ ცოლ-ქმარი სოფელში იყო“- განუცხადეს “ბათუმელებს”.
წყარო – “ბათუმელები”