თუ სახსრების დაავადება გაქვთ (ოსტეოქონდროზი, ოსტეოართროზი, ართრიტი) და არ გსურთ ქიმიური საშუალებებით მკურნალობა, გთავაზობთ ძალიან სასარგებლო წამლის რეცეპტს. მასზე ცნობები ძველ ხალხურ წიგნებში მოიპოვება. სტატია კარაბადინის მიხედვით არის მომზადებული.
ოსტეოქონდროზი დღეს დედამიწის მოსახლეობის 80%-ს აწუხებს. ქალებს ეს დაავადება უფრო ხშირად ემართებათ, მაგრამ გამწვავება უმთავრესად მამაკაცების ხვედრია. ოპერაციული ჩარევაც მათ უფრო ხშირად სჭირდებათ. ოსტეოქონდროზი ხერხემლის დისტროფიული დაავადებაა.
ყველაზე ადრე მალათაშუა დისკები ზიანდება, დეფორმირდება და აშრევდება. განსაკუთრებით სათუთია ხერხემლის კისრის ნაწილი. სწორედ აქ მდებარეობს საძილე და ხერხემლის არტერიები, რომლებიც თავის ტვინს სისხლით ამარაგებს. აქვეა ფარისებრი ჯირკვალი, სასულე. კისერი იჭერს თავს.
აიღეთ 2 კონა ნიახური, კარგად გარეცხეთ და დაასხით 2 ლ ბორჯომი. დადგით ცეცხლზე და წამოადუღეთ. შემდეგ დაუმატეთ 1/2 ჩ/კ ლიმონმჟავა და ადუღეთ 20 წუთი.
გააციეთ, გაწურეთ და მიიღეთ 100 გრ 3-ჯერ დღეში ჭამამდე 20 წუთით ადრე.
ექიმის კომენტარი
ბორჯომი ნივთიერებათა ცვლას აწესრიგებს. მარილები სწორედ მისი დარღვევის შედეგად გროვდება ორგანიზმში. ლიმონმჟავა მჟავების ჯგუფის ნივთიერებაა. იგი რეაქციაში შედის მარილებთან და შლის მას. ნიახური კი შარდმდენი თვისებებით გამოირჩევა. ლიმონმჟავის მიერ დაშლილი მარილები შარდთან ერთად გამოიდევნება.