ბათუმის “დინამოს” პრეზიდენტის შვილი ცეცხლსასროლი იარაღის ტარებისა და პოლიციელებისთვის წინააღმდეგობის გაწევის ბრალდებით დააკავეს. ინფორმაციას რეგონული გამოცემა AJARATIMES.GE ავრცლებს.
მედიის ცნობით, გურამ ბერიძე ბათუმში, სასტუმრო “ლე მერიდიანის” მიმდებარე ტერიტორიაზე დააკავეს, სადაც ე.წ კანონიერი ქურდების მონაწილეობით “ქუჩური გარჩევა” გაიმართა. გურამ ბერიძეს ორთვიანი წინასწარი პატიმრობა უკვე შეუფარდეს.
როგორც გამოცემა წერს, საქმე, ბათუმის “დინამოს” პრეზიდენტის, არჩილ ბერიძის კუთვნილი კომპანიის საქმიანობას ეხება.
გამოცემის ცნობით, მხარეებს შორის კონფლიქტი კომპანიის წილებს უკავშირდება. უფრო კონკრეტულად, ბერიძეს წილის დათმობასა და დიდ თანხას სთხოვენ.
ბათუმის “დინამოს” პრეზიდენტი, არჩილ ბერიძე შპს. „Lamini-G“-ის მფლობელია.
ფაქტი შინაგან საქმეთა სამინისტროში დაუდასტურეს, სადაც გამოცემას უთრეს, რომ გამოძიება სსკ 236-ე მუხლით მიმდინარეობს.