თბილისში, ორბელიანზე მომხდარ მკვლელობასთან დაკავშირებით “ამბები,ჯი”–მ ახალი დეტალები გაარკივია.
როგორც სანდო წყარო AMBEBI.GE-ს უყვება, ნიკიტა აგიევსა და სამ ახალგაზრდას შორის სისხლიან დაპირისპირებას წინ კონფლიქტი უძღოდა, რომელიც იქვე, ბარში დაიწყო.
ახალგაზრდებმა შემდეგ ქუჩაში გადაინაცვლეს. ნიკიტა აგიევზე თავდასხმასა და მკვლელობაში სამივე ახალგაზრდა მონაწილეობდა, რომლებიც შემთხვევის ადგილიდან პოლიციის მისვლამდე გაიქცნენ.
სათვალთვალო კამერების ჩანაწერების საშუალებით სამართალდამცველებმა დამნაშავეთა იდენტიფიცირება მალევე მოახდინეს.
როგორც AMBEBI.GE-მ გაარკვია, წარსულში ნიკიტა აგიევმა სამი თავდამსხმელიდან ერთ-ერთი დაჭრა (სავარაუდოდ, მკვლელობაში ეჭვმიტანილი) და გუშინდელი ინციდენტის მოტივიც შურისძიება უნდა იყოს.
ცნობისთვის, გუშინ ორბელიანის მოედნის ტერიტორიაზე ახალგაზრდა მამაკაცი, ნიკიტა აგიევი სასიკვდილოდ დაჭრეს. აგიევი კლინიკაში მიყვანამდე, სასწრაფო დახმარების მანქანაში გარდაიცვალა. აღნიშნულ საქმეზე შსს-მ გამოძიება 108-ე, განზრახ მკვლელობის მუხლით დაიწყო.