საქართველოს მთავრობის მეთაური გიორგი გახარია პრემიერის პოსტიდან გადადგა. ამის შესახებ მან დღეს 18 თებერვალს გამართულ ბრიფინგზე განაცხადა. გახარიას გადადგომას სოციალურ ქსლეში ძალიან ბევრი გამოხმაურება მოჰყვა. ბევრი ადამიანი, მათ შორის მისი პოლიტიკური ოპონენტებიც კი გახარიას გადაწყვეტილებას იწონებდნენ და აღიარებდნენ, რომ გიორგი გახარია პოლიტიკაში რეიტინგული ფიგურა იყო.
ერთ-ერთი ჟურნალისტი კი პრემიერობიდან გადადგომამდე რამდენიმე წუთით ადრე გაკეთებული საქმის შესახებ სოციალურ ქსელში პოსტს აქვეყნებს.
„ყველაზე ადეკვატური გადადგა! ასე, რომ აწი მეტი სიფრთხილე!
პ.ს. რომ არ დავწერო, არ შემიძლია – გადადგომამდე 5 წუთით ადრე, ამ დილით, მისი დახმარებით წოდორეთის პრობლემა მოგვარდა – მარილის მანქანები დაიძრა ჩვენი თოვლში ჩაკეტილი სოფლისკენ. დიახ, ის ადეკვატური გადადგა, ვის რეიტინგზეც და აიქიუზეც ეკიდა „ოცნება“. ასე რომ…“, – წერს ჟურნალისტი ესმა კუნჭულია.