გურიაში ძაღლის მიერ დაკბენილი 2 წლის ლაზარეს დედა, ლიკა ხამათაშვილი, შვილის ჯანმრთელობის ამჟამინდელი მდგომარეობის შესახებ ახალ ინფორმაციას ავრცელებს.
„ჩემი ლაზარე უფლის სასწაულია.
დე, ამასაც მშვიდობით გადავლახავთ მჯერა.
ჩემო კეთილის მსურველებო, გთხოვთ, ისევ ისე გვჭირდება კიდევ ერთხელ,
თქვენი ლოცვა გადაარჩენს ჩემ გმირ ბიჭუნას.ოპერაცია დაწყებულია“, – აღნიშნავს ლიკა ხამათაშვილი.
შეგახსენებთ, რომ 16 დეკემბერს, ძაღლმა ორი მცირეწლოვანი ძმა – ნიკოლოზ და ლაზარე ნაკაშიძეები დაკბინა. 2 წლის ლაზარეს უკვე ორი ოპერაცია ჩაუტარდა. როგორც ცნობილია, მესამე ოპერაცია ლაზარეს ამ წუთებში უტარდება.
წყარო: „გურიანიუსი“