“ძალიან წუხს მომხდარის გამო, მისი მიზანი არ ყოფილა ცხოველისთვის ზიანის მიყენება” – ძაღლის დაჭრისთვის გორში 65 წლის კაცი დააკავეს

გორში, ძაღლის დაჭრისთვის დაკავებული 65 წლამდე ასაკის მამაკაცის ადვოკატმა, თამარ თედლიაშვილმა, აღნიშნულ საქმეზე მედიასთან კომენტარი გააკეთა.

„ძალიან წუხს მომხდარის გამო, რადგან მისი მიზანი არ ყოფილა ცხოველისთვის ზიანის მიყენება და სასტიკი მოპყრობა. აღნიშნული შემთხვევა მოხდა ისეთ ვითარებაში, რომ ჩემი დაცვის ქვეშ მყოფმა იარაღიდან შეშინების მიზნით გაისროლა, რადგან გარკვეული პერიოდის განმავლობაში ძაღლი ზიანს აყენებდა მის მეურნეობას. როგორც ჩანს ძაღლს ტყვია ხიდან ანასხლეტის სახით მოხვდა”, – ამბობს ადვოკატი.

შეგახსენებთ, ძაღლის დაჭრისთვის დაკავებული წინასწარი დაკავების იზოლატორში ელოდება ბრალის ოფიციალურად წარდგენას.

წყარო: „mozaika.ge“