“თბილისში აპარატზე რო მიაერთეს, თავიდან გონზე იყო, რომ დავურეკე…” – როგორ იხსენებს თემურ წიკლაურის ბოლოს დღეებს მისი შვილიშვილი

23 წლის ანდრო გოგიბედაშვილი ქეთი წიკლაურისა და დავით დეფი გოგიბედაშვილის ვაჟია, თემურ წიკლაურის ერთადერთი შვილიშვილი. იგი ბაბუასთან ურთიერთობას და ბოლო დღეებს იხსენებს:

„მთელი ჩვენი ურთიერთობა ერთი დიდი თავგადასავალი იყო. სულ მაოცებდა თავისი მოულოდნელი საქციელებით. აი, დილას ვიღვიძებდი და მხვდებოდა ფორტეპიანოსთან, ხმას ავარჯიშებდა, მღეროდა. ადრე დგებოდა. ხშირად იყო მისაქციელში, აგარაკზე. იქ დილის ექვს საათზე დგებოდა და ეზოში ცივ წყალს ივლებდა. აქედან გამომდინარე საკმაოდ ირონიული იყო თემურს რომ ფილტვები დაუზიანა კორონავირუსმა. ასეთი დატვირთვის მომღერალი, ფიზიკურად კარგ ფორმაში მყოფი და ასე ერევა ეს უცნაური ვირუსი, რომელიც ამოუხსნელია, რა პრინციპით კლავს.

ცხოვრობდა ქრისტიანულად. ბოლო ექვსი წელია ლურჯ მონასტერში სტიქაროსნად მსახურობდა, მაგრამ არა – ინტენსიურად, უფრო პერიოდულად. სააღდგომო პერიოდში უფრო ხშირად დავდიოდით. მერე უკვე კვირაში ერთხელ მაინც მივიდოდა…” – იხსენებს ანდრო გოგიბედაშვილი.