ჟურნალისტი, ნინო ჯანგირაშვილი სოციალურ ქსელში წერს:
“ალტინფოს მრევლი ისე ათრევს საპატრიარქოს სხვადასხვა ქსელებში, დავბერდი ქალი და “ლიბერასტების“ მხრიდან ეგეთი მძაფრსიუჟეტიანი თრევა ვერ მახსენდება” – წერს ნინო ჯანგირაშვილი.
ცნობისთვის, ალტ-ინფოს პროტესტი საქართველოს საპატრიარქო განცხადებას მოჰყვა, რომელშიც საპატრიარქო წმინდა მატრონას ხატის შემომწირველებს ხატში სათანადო ცვლილებების შეტანას სთხოვს.
პოსტს კომენტარებში დიდი გამოხმაურება მოჰყვა.
“სტალინზე უნდა ვილოცოთ მაინც და მაინცო?”- წერს მოქალაქე.
“გოგო მართლა რამე არ მოუწიონ მაგათ და ჩვენი დასაცავები არ გახდნენ”– წერს მოქალაქე.
შეგახსენებთ, დღეს, საქართველოს საპატრიარქომ საქმე სამების საკათედრო ტაძარში, წმ. მატრონასთან ერთად, ხატზე საბჭოთა ბელადის, იოსებ სტალინის, გამოსახულებასთან დაკავშირებით, საგანგებო განცხადება გაავრცელა.
2 დღის წინ ფერაძემ გაავრცელა ვიდეო, რომელშიც ჩანს, რომ სამების ტაძარში, ხატს, რომელზეც ნეტარ მატრონა მოსკოველთან ერთად იოსებ სტალინია გამოსახული, საღებავი შეასხეს.
აღნიშნულს საზოგადოებაში დიდი გამოხმაურება მოჰყვა. გუშინ ფერაძის სახლთან „ალტ-ინფოს“ წარმომადგენლებმა აქცია გამართეს.