თბილისში, სამების საკათედრო ტაძარში ნეტარი მატრონა მოსკოველის ხატი, რომელზეც სტალინიც არის გამოსახული, გუშინდელი ფაქტის შემდეგ გაწმინდეს და უფრო თვალსაჩინო ადგილზე გადაიტანეს.
„ხატი ახლა არის კამერის მეთვალყურეობის ქვეშ, რათა ვანდალური აქტის გამეორება არ დავუშვათ“, – უთხრეს სამების ტაძარში AMBEBI.GE-ს.
შეგახსენებთ, გუშინ აქტივისტმა ნატა ფერაძემ გაავრცელა ვიდეო, რომელშიც ჩანს, რომ სამების ტაძარში, ხატს, რომელზეც ნეტარ მატრონა მოსკოველთან ერთად იოსებ სტალინია გამოსახული, საღებავი შეასხეს.
რამდენიმე დღის წინ დეკანოზმა ილია ჭიღლაძემ სოციალურ ქსელში გამოაქვეყნა ხატის ფოტოები, რომელზეც რუსეთის ეკლესიის მიერ წმინდანად შერაცხულ მატრონასთან ერთად საბჭოთა დიქტატორი, იოსებ სტალინია გამოსახული.