გუშინ 6 თებერვალს სოციალურ ქსელში ნათლობის რიტუალის ამსხველი ვიდეო გამოქვეყნდა, რომელშიც ჩანს როგორ ნათლავს მღვდელი დავით მექვაბიშილი გოგონას. კადრებმა სოციალური ქსელის მომხმარებლების არშფოთება გამოიწვია. ადამიანების უმრავლესობა წერდა რომ სასულიერო პირი ბავშვს უხეშად ექცოდა. საპასუხოდ, მექვაბიშვილმა პოსტი გამოაქვეყნა, რომლითაც შენდობა ითხოვა, იქვე კი განმარტა, რომ ფაქტი დამახინჯებულად იყო გადმოცემული.
„დღეს გავრცელდა ჩემს მიერ ზაფხულში აღსრულებული ნათლობის ვიდეო, რომელმაც დიდი მითქმა-მოთქმა გამოიწვია ჩვენს ერსა და ბერში… პირველ რიგში მინდა შენდობა ვთხოვო ყველას ვინცა დაბრკოლდა აღნიშნულით. თავის მართლებას არ დავიწყებ არავისთან, სადაც შენდობა სათქმელია: ყოველთვის, ყველგან და ყველას ვთხოვ შენდობას! უბრალოდ მინდოდა, რომ ბავშვზე სამი პეშვი წყალი არ დამესხა თავზე, და მშობლების და ნათლიების მოთხოვნით! გადავწყვიტე სრული შთაფლვით (რაც ყველაზე გამართლებული ტრადიციაა ეკლესიაში) მომენათლა მხევალი ღვთისა ნინო.
ამოჭრილ ვიდეოში ეს ყველაფერი სხვანაირად ჩანს (თუმცა მიზანი ერთია: ბავშვის მონათვლა!). ქვემოთ დადებულ ვიდეოში და სურათებში, რომელიც ნათლობის დროს და შემდეგ არის გადაღებული, კარგად ჩანს ის სითბო და სიყვარული, რომელიც დღესაც არის ჩემსა და პატარა ნინის შორის.
შეგვეწიოს უფალი იესო ქრისტე და გაგვაძლიეროს ჭეშმარიტებაში! „რაოდენთა ქრისტეს მიერ ნათელგვიღებიეს ქრისტე შეგვიმოსიეს“, – წერს დავით მექვაბიშვილი.