მოქალაქის საქმე, რომელიც ავტოსამრეცხაოზე წყლის ძლიერი ჭავლით ცხენს აბანავებდა, სასამართლოს გადაეცემა.
„სოციალურ ქსელში გავრცელებული ვიდეოს საფუძველზე, სადაც ფიქსირდებოდა ავტოსამრეცხაოზე მოქალაქის მიერ ცხოველისადმი (ცხენი) განხორციელებული არასათანადო მოპყრობის ფაქტი, გარემოსდაცვითი ზედამხედველობის დეპარტამენტის თანამშრომლებმა ადმინისტრაციული სამართალდარღვევის შესახებ შეადგინეს ოქმი.
ვიდეოზე აღბეჭდილი მოქალაქის მიმართ, რომელიც სოციალურ ქსელში განთავსებულ ვიდეოში ავტოსამრეცხაოზე წყლის ძლიერი ჭავლის მოქმდებით ახდენდა ცხოველისადმი (ცხენი) არასათანადო მოპყრობას, ადმინისტრაციულ სამართალდარღვევათა კოდექსის 104-ე მუხლის შესაბამისად შედგა ადმინისტრაციულ სამართალდარღვევის შესახებ ოქმი.
საქმის მასალები შემდგომი განხილვის მიზნით, გადაიგზავნება სასამართლოში“, – წერს გარემოსდაცვითი ზედამხედველობის დეპარტამენტი.