აკნე არის კანის ქრონიკულად მიმდინარე ცხიმოვანი ჯირკვლების ანთებითი დაავადება, რომელიც დერმატოლოგიურ პრობლემებში ერთ-ერთი ყველაზე გავრცელებული პრობლემაა და მსოფლიო მოზარდების დაახლოებით 80%-ში გვხვდება, თუმცა შესაძლოა თავი იჩინოს სხვა ასაკშიც.
აკნეს გამომწვევი მიზეზები შეიძლება იყოს:
- ჰორმონალური ცვლილებები/ ჰორმონალური დარღვევა
- გენეტიკური განწყობა
- ნივთიერებათა ცვლის დარღვევა
- არასწორად შერჩეული კანის მოვლისა და კოსმეტიკური საშუალებები
- არასაკმარისი ჰიგიენა
აკნე არ წარმოადგენს ჯანმრთელობისთვის საშიშ დაავადებას თუმცა ეს სულაც არ ცვლის იმ ფაქტს, რომ როგორც წესი, აკნე მოქმედებს ადამიანის თვით შეფასებაზე და ემოციურ მდგომარეობაზე.
აკნეს გამოვლინება შეიძლება იყოს სამი სახის: მსუბუქი, საშუალო და მძიმე ფორმები.
აკნეს მსუბუქი ფორმის დროს საკმარისია სწორი მოვლა და სწორად შრჩული ჰიგიენური საშუალებები.
საშუალო სიმძიმის შემთხვევებში გარეგან მოვლასთან ერთად შესაძლოა საჭირო გახდეს მედიკამენტური მკურნალობა. რაც რათქმაუნდა ექიმის მეთვალყურეობის ქვეშ უნდა მიმდინარეობდეს.
მძიმე ფორმის დროს საჭიროა თერაპია ცხიმოვანი ჯირკვლების შესამცირებლად და რათქმაუნდა მედიკამენტური მკურნალობა.
სახლის პირობებში კი აკნეს მოსავლელად შეძლება მივმართოთ შემდეგ მეთოდებს;
ჭარბი ცხიმის მოსაცილებლად და კანის სისუფთავის დასაცავად გამოიყენეთ ანტიბაქტერიული საპონი.
არ გამოიყენოთ ისეთი კოსმეტიკა რომელიც კეტავს ფორებს, და ნებისმიერი სახის კოსმეტიკა ძილის წინ აუცილებლად ჩამოიბანეთ.
დააკვირდით გაწუხებთ თუ არა კუჭ-ნაწლავის პრობლემები.
და ბოლოს, არ მოიშოროთ გამონაყარი ხელით.