“შვიდჯერ ესროლა…“ – რა ახალი დეტალები ხდება ცნობილი ვაზისუბანში მომხდარ საზარელ მკვლელობაზე

თბილისში მოკლული 42 წლის სამხედრო, ლაშა გუჯეჯიანია. ის 26 დეკემბერს, წულუკიძის ქუჩაზე, შინაგან საქმეთა სამინისტროს მიმდებარედ, 40 წლამდე კაცმა მოკლა.

როგორ ირკვევა, თავდამსხმელმა ლაშა გუჯეჯიანის მისამართით ცეცხლსასროლი იარაღიდან შვიდჯერ გაისროლა, ის ადგილზე დაიღუპა.

მკვლელობაში ბრალდებული მომხდარიდან რამდენიმე წუთში, ცხელ კვალზე დააკავეს. როგორც შინაგან საქმეთა სამინისტრომ განაცხადა, გამოძიება განზრახ მკვლელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტებზე, საქართველოს სისხლის სამართლის კოდექსის 108-ე და 236-ე მუხლებით მიმდინარეობს.