გარდაბნის მუნიციპალიტეტში ძლიერმა ქარმა ღამით ქალაქის მთავარი ნაძვის ხე წააქცია. როგორც გარდაბნის მუნიციპალიტეტის მერია სოციალურ ქსელში წერს, დაზიანდა ნაძვის ხის რკინის კონსტრუქცია და ღერძი.
“23 დეკემბერს გარდაბანში ძლიერი ქარის შედეგად, ქალაქის მთავარი საახალწლო ნაძვის ხის რკინის კონსტრუქცია და ღერძი დაზიანდა. საბედნიეროდ შემთხვევის დროს არავინ დაშავებულა.
მერიის შესაბამისი სამსახურები მთელი ღამის განმავლობაში მობილიზებულები იყვნენ და ადგილზე მუშაობდნენ.
ასევე, ადგილზე იმყოფებოდნენ გარდაბნის მუნიციპალიტეტის მერი დავით კარგარეთელი და ადგილობრივი თვითმმართველობის წარმომადგენლები”