მსახიობი და რეჟისორი რამაზ გიორგობიანი 1995 წელს 49 წლის ასაკში გარდაიცვალა.
მას ყველასთვის საყვარელ ფილმებში არაჩვეულებრივი როლები აქვს შესრულებული. ის თამაშობს „მხიარულ რომანში“, „შემოდგომის თვესა“ და „ცისფერ მთებში“.
ასევე მონაწილეობს ფილმებში: „ქოლგა,“ „სერენადა,“ „ფერისცვალება,“ “ფილატელისტის სიკვდილი,“ „სამკაული სატრფოსათვის,“ „ყველაზე სწრაფები მსოფლიოში,“ “ბატონი ავანტიურისტები“…
„რამაზი მოულოდნელად ინსულტით გარდაიცვალა. საავადმყოფოში მხოლოდ 10 დღე იწვა, ექიმებმა ვერ უშველეს, არადა, იმ დიაგნოზით და იმ ჩივილებით დღეს ადამიანები იკურნებიან, მაგრამ 1995 წელი იყო და მოგეხსენებათ, მაშინ რაც ხდებოდა“, – ამბობს რამაზ გიორგობიანის და, თეატრალური უნივერსიტეტის ასოცირებული პროფესორი და ქუთაისის თეატრის მთავარი რეჟისორი მაია გაჩეჩილაძე.
წყარო: AMBEBI.GE