ჟურნალისტი ია თინიკაშვილი სოციალურ ქსელში ახალ პოსტს აქვეყნებს.
თინიკაშვილის თქმით, ვიღაცამ მის გარდაცვალებასთან დაკავშირებით ცრუ ინფორმაცია გაავრცელა.
„🔹️ მეგობრებო, სამწუხაროდ, ვიღაცამ ცრუ ინფორმაცია გაავრცელა, თითქოს, მოვკვდი, არადა, კიდევ 100 წელი არ ვაპირებ სიკვდილს 🙂
…და, აქვე დავწერ – გაოგნებული და ბედნიერი ვარ – ასეთი თანადგომა, გამხნევება, სიყვარული… ❤️
უკვე დაგეგმილია შესაბამისი მკურნალობა და ღვთის შეწევნით, ყველაფერი კარგად იქნება. სულ მალე, ისევ ისეთი ენერგიული, გადარეული, ფერადი ია ვიქნები და ისევ ვივლი თოვლში შორტებით! 🙂 ქალს, რომელიც დაბადებიდან 3 წლამდე მენჯებზე თაბაშირებით იყო, რომელსაც 5 ოპერაცია თვალებზე და 6 ქირურგიული ღია მუცელკვეთა აქვს გაკეთებული, რომელიც წინა ხაზზე, ტყვიის წვიმაში მუშაობდა, რომელსაც ერთხელ გველმა უკბინა და ერთხელ დათვმა დაგლიჯა, რომელმაც უამრავი პირადი ტრაგედია გამოიარა, თავის ტვინის ანევრიზმაც ვერაფერს უზამს!
გმადლობთ, თანადგომისთვის – მეგობრებს, კოლეგებს, ნაცნობებს თუ უცნობებს, საქართველოს მთავრობის ხელმძღვანელის ადმინისტრაციას, თავდაცვის და ჯანდაცვის სამინისტროებს, სხვა სახელმწიფო უწყებებს, რომ ამ სრულიად მოულოდნელი დიაგნოზის დასმის პირველი წუთიდან, ამგვარ თანადგომას იჩენთ ❤️
მადლობა იმ მღვდელმთავრებს და სხვა სასულიერო პირებს, ვინც ლოცვით მეწევა და მადლობა ჩემ შვილს, რომელიც საქართველოში მხოლოდ ხვალ იქნება და უკვე 2 დღეა არ მელაპარაკება მეგობრების მხრიდან იძულებით დაწერილი ჩემი წინა პოსტის გამო, ნაწყენია – 29 წლის შვილისთვის დედის ჯანმრთელობაზე ზრუნვა სრულად მისი პასუხისმგებლობააო!
მიყვარხართ! ❤️ დახმარების თითოეულ წვეთს და სიტყვას უშველებელი მნიშვნელობა ჰქონია.
გულში ჩავიბეჭდე ყველას თანადგომა 🙏
(იმ ძველ პოსტს კი ვაუქმებ).“, – აღნიშნულია პოსტში.