„ევროპული საქართველოს წევრი, თამარ ჩერგოლეიშვილი სოციალურ ქსელში წერს:
ინსპირაციას ყველა საიდანღაც ვიღებთ.
მე შთამაგონებს ბევრი რამ – U2-ს კონცერტები, მამაჩემი, ვეს ანდერსონის იმიჯები, ბეტმენი, ვეფხისტყაოსანი, პეპი გრძელწინდა, ლედი კარატე, ვაჟა ფშაველა …. პეპლები, ყვავილები …
მილიონი რამ.
ვიღაცისთვის შეიძლება მეც ვიყო ინსპირაცია და ეს მე მხოლოდ გამახარებს, მინდა რომ ბევრი ადამიანი შთავაგონო რომ იყოს თავდაჯერებული, გამბედავი, თავისუფალი, შემოქმედებითი …
მაგრამ ხალხო, წინადადებების გადაწერა და საკუთარ სიბრძნედ გასაღება, პოლიტიკური აქციებიდან პოსტერების და ვიდეომასალის იდეების პლაგიატი, ჩემი უჯრიდან საცვლების გატაცება და ა. შ. ისეთი გოიმობაა რომ ჩემი ენა მაგას ვერ აღწერს.
და უტვინობაცაა.
თქვენ ხალხი იდიოტი გგონიათ და ეგ. სინამდვილეში უბრალოდ ბაბლია, და ეგეც ხვდება, უბრალოდ არ იმჩნევს – წერს ჩერგოლეიშვილი.