facebook-ჯგუფში „ქალაქის პრობლემები“ მოქალაქე თამარ გოგოლაძე ახალ პოსტს აქვეყნებს.
ის თბილისში, აკაკი წერეთლის გამზირზე, რეაბილიტაციის გამო შექმნილ გადაადგილების პრობლემებს ეხება.
„წერეთელზე ვიყავი დღეს ჯერ ტრანსპორტით, მერე – ფეხით. ნორმალურია ამხელა ქუჩის ასე ერთიანად გადათხრა და ტროტუარების ზედ მიყოლებაც? მესმის რემონტია, მაგრამ არავის უნდა ეზრუნა იმაზე, რომ ადამიანებისთვის ნორმალური გასავლელი დაეტოვებინა? ისე ათხრილ -დათხრილია ნატროტუარი, ძალიან თავისუფლად შეიძლება ადამიანმა რამე მოიტეხოს ან თავი გაიტეხოს. ეს ადამიანების უფლების შელახვა არაა? შეზღუდული შესაძლებლობის მქონე ადამიანი იქ რომ ვერ გაივლის და საერთოდ რომ ვერც გაეკარება იმ ტერიტორიას, ამას თქმაც არ უნდა“, – აღნიშნულია პოსტში.
