გოგრის კიდევ ერთი სარგებელი – ნახეთ რას უწყობს ხელს მისი ჭამა

გარდა ამისა, გოგრა მდიდარია ვიტამინებითა და მინერალებით, კარგია გულისთვის და კიბოს პროფილაქტიკისათვის.

ამის შესახებ SciTechDaily იუწყება.

გოგრა არის A ვიტამინის მდიდარი წყარო. ეს ვიტამინი მნიშვნელოვანია თვალის, იმუნური სისტემისა და კანის ჯანმრთელობისთვის.

გარდა ამისა, გოგრა დაბალკალორიულია და შეიცავს უამრავ საკვებ ბოჭკოს, რაც ხელს უწყობს კუჭში სისავსის შეგრძნებას. ეს ხელს უწყობს მადის კონტროლს წონის დაკლების დროს.

სასარგებლოა არა მხოლოდ გოგრის რბილობი, არამედ თესლიც. გოგრის თესლის ჭამა ხელს უწყობს მაგნიუმის ნორმალური დონის შენარჩუნებას ორგანიზმში, რომელიც პასუხისმგებელია არტერიული წნევის რეგულირებაზე და გულის დაავადებების პრევენციაზე.

გოგრა ასევე ამცირებს მკერდის, კუჭის, ყელის და პანკრეასის კიბოს განვითარების რისკს. ეს, სავარაუდოდ, გამოწვეულია კაროტინოიდების მაღალი შემცველობით – ყვითელი, ნარინჯისფერი და წითელი ორგანული პიგმენტებით, რომლებსაც აწარმოებენ მცენარეები და წყალმცენარეები. ამ ნაერთებს აქვთ ანტიკარცინოგენული, ანტიმუტაგენური, იმუნომოდულატორული და ანტიოქსიდანტური თვისებები, რომლებსაც შეუძლიათ კიბოსგან დაცვა.