გუშინ, მშრალი ხიდის მიმდებარე ტერიტორიაზე, ინცინდენტი მოხდა, რომლის შედეგადაც, დაჭრილია ორი ადამიანი, მათ შორის – საპატრულო პოლიციის თანამშრომელი.
აღნიშნულ საქმესთან დაკავშირებით, დაკავებულია სავარაუდო დამნაშავე – 39 წლის მამაკაცი. როგორც ირკვევა, ის ნოდარ ვაშაკიძეა, ერთ-ერთი დაჭრილი კი თემურ ანჯაფარიძეა.
რაც შეეხება პოლიციელს, ამჟამად გიგი ოთიაშვილის ჯანმრთელობის მდგომარეობა სტაბილურია.
როგორც ქირურგმა გაგა ჭეიშვილმა ჟურნალისტებთან საუბარში განაცხადა, პოლიციელს ქირურგიული დახმარება წუხელ ჩაუტარდა.
„პაციენტი სასწრაფო სამედიცინო დახმარების ბრიგადამ შემოიყვანა, ჭრილობა შემავალი იყო მარჯვენა ბარძაყის ზედა მესამედში, ოპერაცია წარმატებით ჩატარდა, პაციენტი საპალატე სივრცეში იმყოფება, მალე გაეწერება“, – თქვა ჭეიშვილმა.
წყარო: inforustavi.ge